As dúas entidades deportivas do concello mariñán renovan a sua colaboración para esta tempada 23/24 e como detalle especial o CD Burela FS viste de verde a súa terceira equipación e a SD Burela de laranxa
Con esta colaboración os dous clubs burelaos esperan animar tanto á xuventude coma ás familias a participar activamente do deporte da comarca e, máis concretamente, motivar á población a colaborar en actividades que promovan tanto o deporte en sí mesmo, coma a cooperación e o fomento da boa convivencia, a educación, a saúde e o crecemento social e cultural no pobo.
Para mostrar a súa boa relación e ganas de impulsar a educación no deporte tanto dos/as máis pequenos/as coma xoves e adultos, os dous clubs elexiron como cor da súa terceira equipación a cor corporativa do colaborador. É así que a terceira equipación do SD Burela é de cor laranxa, sendo verde a primeira e negra a segunda, e a terceira equipación do conxunto laranxa é de cor verde, sendo negra a segunda.
A presentación da renovación do acordo fíxose, este ano, no Pavillón Municipal Vista Alegre de Burela, sede dos encontros do CD Burela FS, con Jairo Campo e Manuel Blanco, presidentes da SD Burela e CD Burela FS respectivamente.