Foron varios particulares os que contactaron co 112 Galicia para informar do accidente ao fío das 14:00 horas do día de hoxe na LU-113, ao seu paso por Cospeito. Segundo a información recibida polos xestores do 112 Galicia, podería haber unha persoa atrapada e, a maiores, o camión envorcado atopábase no medio da vía, cortando a circulación.
De inmediato, desde o Centro Integrado de Atención ás Emerxencias 112 Galicia informouse a Urxencias Sanitarias de Galicia-061 e aos bombeiros de Vilalba, os cales tiveron que quitar toda a lúa do camión para poder acceder ao ferido e axudalo a abandonar o vehículo.
Cómpre destacar que neste operativo tamén participaron os axentes da Garda Civil e o servizo de mantemento da estrada.