Por Viveiro pide melloras na estrada de Cancelo ata O Xuncal en Valcarría e no paseo de fachada e variante da ría

Viveiro, 5 de xaneiro, 2024. A estrada de Cancelo (intersección LU-P-2604) ata O Xuncal na parroquia de Valcarría presenta un acusado estado de deterioro, con numerosas fochancas. Este feito dificulta notablemente os movementos das persoas que habitan no devandito lugar do Xuncal, complicando incluso o achegamento das subministracións mais básicas para o día a día das familias.

Por outra banda, a glorieta que forman o paseo de fachada, variante e ponte da Misericordia presenta numerosos danos: lousas rotas, mal asentadas ou literalmente inexistentes, sumidoiros nos que medra abondosa herba, pranchas metálicas na ponte moi esvaradías , etc. Estes feitos ademais de presentar unha imaxe moi deficiente, ocasionan riscos de seguridade para as persoas que
utilizan de xeito cotiá este paseo, un dos mais emblemáticos do noso concello.