Faltaban escasos minutos para as 13 horas cando o 112 Galicia tivo constancia do acontecido, a través da chamada dun alertador particular: un camión que transportaba gran acababa de envorcar no quilómetro 531 da A-6, en Trasparga.
Rapidamente, os xestores do 112 Galicia solicitaron a acción de Urxencias Sanitarias de Galicia-061, dos efectivos do GES de Friol-Palas, da Garda Civil de Tráfico, da Policía Local e dos voluntarios de Protección Civil de Guitiriz, así coma dos operarios de mantemento da autovía.
O ferido tivo que ser atendido polo persoal sanitario, que se desprazou ata o lugar a bordo dunha ambulancia.