Non houbo que lamentar danos persoais, pero si materiais, pois só quedou en pé a estrutura externa da casa.
A posta en marcha deste operativo foi posible grazas á chamada dun alertador ás 00:30 horas desta madrugada, quen avisou dun incendio nunha casa deshabitada no lugar de Chao de Bravos, en Ourol. Para atallar as lapas, desde o 112 Galicia, activáronse os protocolos correspondentes para a mobilización dos seguintes recursos: Bombeiros de Viveiro, Servizo Municipal de Protección Civil de Viveiro, Protección Civil de Ourol e o distrito de incendios forestais da zona. Tamén informouse a Urxencias Sanitarias de Galicia-061, por se fose necesaria a súa intervención, e á Garda Civil.