Estes corazóns e bolsas para drenaxes serán destinados a todas aquelas mulleres que sexan operadas de cancro de mama no Hospital da Mariña, co fin de trasladarlles todo o ánimo e forza da sociedade, representada nesta ocasión polas dúas asociacións e polas persoas que colaboraron nesta iniciativa.
Por iso, ESPERANZA quere agradecer ao grupo de bordado que imparte María José Mon a doazón que se lles fixo, como asemesmo a Belén Mogo, que deseñou a embalaxe, e á Fundación EU SON, que realizou o seu pintado.
Dende ESPERANZA afirman que iniciativas coma esta axudan a crear conciencia de loita contra o cancro e de apoio ás persoas e familias que están a sufrir a enfermidade, e confían que deste xeito sexa cada vez máis a cidadanía que realmente se implique nesta tarefa.