O rexedor manifestou que “Concello e Xunta colaboran nas actividades nesta Semana Santa. Actividades para todas as idades: infantís e para rapaces e rapazas que xa van tendo máis aniños. Polo tanto pensamos en todos. Esta colaboración entre administracións, entre Concello e Xunta, favorece que haxa moitas actividades e, dende un punto de vista técnico, nunca tanta actividade houbo como este ano”.
Vega sinalou que “isto vámolo seguir facendo nesta Semana Santa e no verán. E tamén queremos dinamizar o campamento da Devesa. É algo fundamental, son unhas instalacións nas que debemos seguir colaborando coa Xunta e nutríndoas de actividades. Neste caso no campamento Primavera Xove queremos acoller a moitos rapaces e rapazas doutros concellos aquí, en Ribadeo”.
O alcalde subliñou que “esta colaboración creo que é moi importante. Vamos seguir activando dinamismo para o noso concello, para todos rapaces e rapazas, tamén para os neniños e neniñas, para actividades infantís, porque eu creo que é o importante. Polo tanto vamos seguir traballando e continuando nesta colaboración permanente e absoluta para seguir favorecendo ao noso concello”.
Na visita ao campamento da Devesa participaron os concelleiros de Mocidade e Medio Ambiente, Francisco José Silvent e Diego Dos Santos.