A alcaldesa María Loureiro destaca que “formar parte desta rede serve para aumentar a proxección internacional da Semana Santa de Viveiro”, e agradece “o traballo da Xunta de Confrarías”
Participará tamén na reunión o presidente da Xunta de Confrarías da Semana Santa de Viveiro, José Veiga Golpe. A asemblea tratará diversas cuestións de cara á próxima celebración da Semana Santa este mes.
A orde do día da xuntanza inclúe a aprobación de solicitudes para a incorporación de novos socios e a entrega de distintivos aos mesmos, a coordinación do Comité Científico, a aprobación das contas do pasado ano 2023 e o cambio da Xunta Directiva, entre outros puntos.
A Rede Europea ten como obxectivo promocionar e difundir o patrimonio cultural, tanto material como inmaterial, relacionado coas celebracións da Semana Santa e Pascua a través de accións que poñan en valor este patrimonio e contribúan a salvagardarlo a través do traballo científico.
Viveiro forma parte desta rede xunto a Lorca e outros 19 membros, entre os que atopamos a Palermo e Caltanissetta en Italia, Birgu en Malta, Jelsa en Croacia e Skofja Loka en Eslovenia. Tamén atopamos nela a 3 municipios portugueses, ademais dun total de 13 españois.
A alcaldesa de Viveiro, María Loureiro, destaca que “formar parte desta rede serve para aumentar a proxección internacional da Semana Santa de Viveiro”, e agradece “o traballo da Xunta de Confrarías”.