O PP de Lourenzá considera ao empresario “merecedor de dar nome a unha rúa, sen prexuízo de outorgar este mesmo recoñecemento a algún outro veciño do noso concello”
Este “cambio de opinión” tamén se deu entre os membros do propio goberno; xa que a alcaldesa dixo que non lle corresponde ao Concello asignar rúas a ninguén e, posteriormente, foi corrixida por un compañeiro do equipo de goberno que rectificaba dicindo que “non é que non se poida facer, é que non o consideramos oportuno”.
Os populares inciden en que “D. Ángel Hermida Seivane sería merecedor de dar nome a unha rúa debido á súa importante pegada no ámbito empresarial que contribuíu á transformación e desenvolvemento económico do noso concello”. Así, lembran que “co seu esforzo conseguiu que a súa empresa e Lourenzá tiveran un lugar destacado na provincia”. De feito, chegou a crear 200 empregos na zona.
O PP laurentino ten claro que “o seu nome debería figurar nalgunha das rúas de Lourenzá, sen prexuízo de outorgar este mesmo recoñecemento a algún outro veciño do noso concello”. É máis, “oxalá pronto o Concello teña que conceder o título de Fillo Predilecto a algún laurentino ou laurentina”.