Co paso das xornadas configurouse un verdadeiro equipo. E hoxe, por fin, o teatro, os aplausos, as cancións e os bailes encheron o CAPM de Ribadeo.
Á divertida estrea asistiron algunhas das familias do programa “Educando en Familia”.
Quedan por diante outras catro sesións, os días 19, 23, 25 e 30 de abril; nelas participarán a Escola Infantil Tangram, o Colexio Sagrado Corazón de Jesús, o CEIP Gregorio Sanz, a Escola Infantil Sta María do Campo e o Centro de Ocio Infantil Con Sentidiño
Esta actividade interxeracional está organizada polo CIFP Porta de Auga, o Centro de Día “A Concordia ” e o Concello de Ribadeo. Con ela búscase o acercamento entre crianzas e persoas maiores, así como espertar o interese pola lectura tendo en conta que Abril é o mes dos libros. ( o día 2 é o Día do Libro Infantil e o 23 a celebración do Día do Libro).
Elexiuse o conto “Por catro esquiniñas de nada” de Jerôme Ruiliier, por ser un relato de amizade, diversidade e inclusión.
Entre contos e cantos dímoslle a importancia que merecen as comunidades inclusivas: entre todas e todos podemos conseguir que as portas sexan accesibles para todas as persoas. Precisamos un mundo no que podamos xogar, divertirnos, aprender e desfrutar independentemente das nosas características.
200 persoas grandes e pequenas interactuúan nesta actividade cos libros, a Lingua a Diversidade e a cooperación como elementos centrais.
Ao remate, as familias asistentes, foron agasalladas cunha versión en fieltro do conto, entregado pola concelleira de Cultura, Begoña Sanjurjo e por un móbil onde penduran todas as personaxes, entregado por unha das persoas usuarias, que lles trasladou todo o agarimo colectivo co que se preparara.