A nova directiva, encabezada por Xiana Naval como presidenta da asociación, trae consigo unha enerxía renovada para o futuro do colectivo. Coa convicción de que a cultura é un elemento esencial da identidade e do desenvolvemento da nosa sociedade, as persoas integrantes teñen a intención de promover unha ampla variedade de actividades que inclúan diferentes formas de expresión cultural.
Dende o Colectivo Pensamento e Sementeira convidan a toda a veciñanza a unirse a esta nova etapa, para o que abren un período de inscrición de persoas que queiran asociarse, e chaman a participar nas actividades culturais que irán desenvolvendo ao longo do ano e das que informarán a través das súas redes sociais en Facebook e Instagram.