O 112 Galicia tivo constancia deste suceso a través do persoal de Urxencias Sanitarias de Galicia-061, pouco antes das 19:30 horas: unha persoa sufriu varias queimaduras ao tratar de prender con alcohol a cheminea da súa vivenda, situada no lugar das Eiras, en San Cosme.
Desde o Centro Integrado de Atención ás Emerxencias solicitouse a acción da Garda Civil e de Protección Civil de Barreiros, que confirmaron que a persoa ferida foi trasladada consciente ao hospital de referencia.