O titular de Mar, acompañado pola directora xeral de Pesca, Acuicultura e Innovación Tecnolóxica, Patricia García, e pola directora xeral de Desenvolvemento Pesqueiro, Marta Villaverde, coñeceu polo miúdo as iniciativas nas que traballa actualmente esta fundación. Así, desenvolve a súas accións no marco de catro liñas de actuación: a seguridade e saúde laboral, a innovación social e igualdade, a promoción e formación así como a sustentabilidade. Esta organización está integrada pola patronal ARVI e os sindicatos UGT e CC.OO, sendo a primeira do sector marítimo pesqueiro que conta con representación paritaria de empresarios e traballadores.