Portos de Galicia ten previsto inciar a segunda fase das obras de reparación do porto do Vicedo este mes

Santiago de Compostela, 13 de marzo de 2025. Portos de Galicia ten previsto iniciar os traballos de reparación do porto do Vicedo antes de finalizar o mes de marzo e que corresponden á segunda fase das actuacións iniciadas o pasado ano de estabilización do peirao da lonxa. Nunha primeira fase que consistiu na consolidación da banqueta do porto, que presentaba unha perda de material na base o que provocou a apertura dunha fenda en superficie.

Esta actuación foi complementada con melloras neste porto lucense que incluíron a reparación das pezas metálicas laterais de protección do peiraos, que se atopaban deterioradas pola acción do mar sobre elas. Nesta segunda fase que se inicia este mes procederase á reparación da pavimentación da superficie e de parte da vía de entrada ao porto. Tamén estase levando a cabo o control topográfico para comprobar a evolución dos traballos realizados para confirmar que o peirao esta definitivamente asentado.