Tal e como precisou a alcaldesa, Dolores García Caramés, que se achegou á instalación para participar na entrega de diplomas, “contamos con 300 cursillistas, entre nenos e adultos, durante todo o curso, desde o mes de outubro”; e quixo felicitar a todo o alumnado polo seu esforzo e progreso durante estes meses.
Así, no caso dos cursos dirixidos ás crianzas, establecéronse dúas quendas “unha de outubro a febreiro e outra de febreiro a maio, para poder dar resposta á gran demanda existente, que se solventou con estes cursos intensivos”. En concreto, durante o curso asistiron ás clases 163 nenos/as de entre 3 e 11 anos; divididos en quendas e diferentes niveis; e 137 adultos que acudiron ás clases de aquagym e de natación nos diferentes niveis en función das habilidades.
A rexedora tamén destacou o volumen de socios/as da piscina “superando os 800, “é unha satisfacción ver como ano tras ano o volumen de usuarios vai medrando consolidando a instalación como un espazo saudable e de aprendizaxe para todas as idades”.
A alcaldesa tamén quixo agradecer ao equipo de monitores/as o seu traballo e profesionalidade, adaptándose en cada momento ás necesidades de cada grupo.