Isabel Rodríguez sinala o compromiso do Goberno para facilitar trámites administrativos e achegar servizos ás mulleres rurais

A subdelegada aproveitou a charla impartida á asociación Fademur en Castro de Rei para defender a igualdade de oportunidades

Castro de Rei, 12 de maio de 2025. A subdelegada do Goberno en Lugo, Isabel Rodríguez, sinalou hoxe o compromiso do Goberno de España para facilitar os trámites administrativos en todo o territorio e achegar servizos ás mulleres rurais durante unha charla impartida por persoal da Subdelegación a integrantes da asociación Fademur en Castro de Rei.

Isabel Rodríguez participou nesta nova xornada do programa ‘A Administración preto de ti’ que desenvolve o Ministerio de Política Territorial e Memoria Democrática, en colaboración coa FEMP, para dar a coñecer á cidadanía o catálogo de servizos da administración co obxectivo de mellorar a súa utilidade e fortalecer a cohesión social e territorial, loitar contra a fenda dixital e facer efectivo o dereito de acceso a todos os servizos públicos con independencia do lugar de residencia.

A subdelegada aproveitou a charla para defender a igualdade de oportunidades e agradecer o labor da asociación Fademur para avanzar no progreso das mulleres que viven e traballan no medio rural.