O acto tivo lugar ás 12:00 horas no campo da Marosa, nun ambiente festivo e de orgullo colectivo. A SD Burela foi homenaxeada polo seu ascenso á categoría Preferente, mentres que os veteranos recibiron o recoñecemento pola súa vitoria na Liga de Veteranos División de Honor da provincia de Lugo.
O Concello quixo destacar o traballo, a constancia e o compromiso de ambos equipos, que contribúen a manter viva a paixón polo fútbol no municipio e a fomentar os valores do deporte entre xeracións.