O Concello de Viveiro albergará este mércores o obradoiro «Novos modelos de innovación en comercio e turismo»
redac
Terá lugar na sala multiusos da casa consistorial ás sete da tarde
Viveiro, 19 de maio de 2025. A sala multiusos do Concello de Viveiro será escenario o mércores 21 de maio, de sete a nove da tarde, do obradoiro «Novos modelos de innovación en comercio e turismo». Organizada pola Xunta de Galicia e a Confederación de Empresarios de Lugo, na actividade presentaranse as axudas do IGAPE e a Oficina Económica de Galicia para os sectores de comercio e turismo.
No obradoiro tamén se explicarán os apoios que presta a Axencia Galega de Turismo e tamén se presentarán casos de éxito de innovación nos sectores de comercio e turismo.
Os interesados en participar poden inscribirse na ligazón https://tinyurl.com/ys9l49ts.
