O caderno Política enerxética. Unha visión galega editado pola fundación do BNG, preséntase este mércores 18 ás 19:30 na Sala de Usos Múltiples de Viveiro.
Os autores recollen nesta obra 50 artigos que nos últimos 5 anos publicaron en distintas revistas e xornais de Galiza. Este compendio de artigos está baseado en razoamentos e análises rigorosas, con contrastes legais e datos verídicos fóra e dentro de Galiza para facer unha radiografía do sistema eléctrico desde unha perspectiva en chave galega. O caderno será entragado de balde ás persoas que asistan á presentación.
Con este, xa son 10 os números que a FGS ten publicados dentro desta colección, sumándose así a outros títulos como Galiza coa chave dos seus cartos, arredor do modelo de financimento galego ou o Ferrocarril en Galiza, un estudo de análise sobre a situación actual do sistema ferroviario galego e as perspectivas de futuro. Con estas publicacións, a entidade pretende achegar análises e estudos fundamentais para argumentar propostas serias sobre cuestións a debate.