Tod@s @sistentes estiveron de acordo en que a andaina foi un éxito malia non ter un prantexamento de manifestación e non ser unha convocatoria masiva. Xuntáronse sobre sesenta persoas, moitas delas incorporadas sobre a marcha sen previo aviso.
Como proxecto a curto prazo acordouse redactar unha nota informativa sobre os inconvintes e posibeis vantaxes de pechar o actual Centro de Saúde e “levalo a un punto tan lonxano como é a zona da estación de servizo, facendo fincapé en que o problema actual é a falla de persoal e non o estado do edificio, que ben pode ser reparado e mellorado”.
En segundo lugar dirixirase un escrito ao Sr. Alcalde de Ribadeo preguntando si se tiveron en conta os atrancos e inconvintes da nova localización que pretende a Xunta de Galicia e que apoia o concello.
E en terceiro lugar convocarase unha charla informativa presencial ademais de seguir informado polos medios de comunicación e as redes sociais.