A Porta de Carlos V de Viveiro iluminarase de cor vermella este sábado para conmemorar a Semana Mundial da Hemocromatose

Unhas 45.000 persoas en España teñen disposición xenética á sobrecarga de ferro

Viveiro, 4 de xuño de 2025. O Concello de Viveiro iluminará de cor vermello a Porta de Carlos V o sábado 7 de xuño. Trátase dunha iniciativa coa que se conmemorará a celebración da Semana Mundial da Hemocromatose.

Segundo explica a Asociación Española de Hemocromatose, uns 45.000 españois teñen predisposición xenética á sobrecarga de ferro. Trátase dunha doenza que provoca que se acumule demasiado ferro no organismo e que pode causar danos en órganos como fígado, corazón, cerebro ou bazo.

A iniciativa propón que se iluminen de vermello edificios ou elementos emblemáticos na tarde e noite do 7 de xuño, como é o caso da Porta de Carlos V de Viveiro.