A subdelegada do Goberno en Lugo, Isabel Rodríguez, presidiu este mércores a Xunta Local de Seguridade de Viveiro xunto coa alcaldesa, Mariña Gueimunde, para coordinar o dispositivo de seguridade con motivo da celebración do ‘Resurrection Fest’ que celebra o seu vinte aniversario

O festival terá lugar os próximos 28, 29 30 de xuño e o 1 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore. A subdelegada destacou a máxima coordinación entre o Goberno, o Concello de Viveiro, a organización do evento e as forzas e corpos de Seguridade do Estado para garantir o bo desenvolvemento do ‘Resu’.