O delegado territorial de Lugo, Javier Arias, felicitou ao centro por lograr todos os accésits correspondentes ás tres categorías de educación primaria
Arias gabou o labor realizado dende este centro, que recibiu os tres accésits concedidos nas categorías dirixidas a alumnado de educación primaria. Estes niveis participan na modalidade de actividades artísticas.
En canto aos proxectos distinguidos, na categoría de 1º e 2º de primaria foi recoñecido o traballo Cocoperativismo, que fomenta o cooperativismo dende o rural cun debuxo que representa un galiñeiro. Outra accésit foi para a categoría de 3º e 4º curso, co debuxo Cooperaencoro, que reproduce unha presa de auga e incorpora elementos referentes ao cooperativismo empresarial.
Dentro da categoría de 5º e 6º de primaria, foi seleccionada a proposta Coop-Nector, na que idearon un xogo sobre o cooperativismo cun conector lumínico que acende cando se dan respostas acertadas.
Arias felicitou aos gañadores e destacou “a creatividade” dos traballos distinguidos no certame. Resaltou que “o cooperativismo é unha ferramenta estratéxica para construír un rural vivo, dinámico e con futuro“, polo que agradeceu a implicación dos centros educativos “nesta iniciativa que pretende representar e difundir estes valores dende a escola”.