Marc Campàs non continuará no Burela FS

O á catalá chegou no pasado mercado de inverno para reforzar a rotación do cadro laranxa

Burela, 18 de xuño, 2025. Marc Campàs non continuará o seu camiño no Burela despois de vestir a camisola laranxa nesta segunda parte da tempada. O club agradécelle enormemente o traballo realizado nestes cinco meses na Mariña, o seu compromiso e, sobre todo, que decidise apostar por vir sumar nun momento complicado para a entidade. Así mesmo, exprésalle o seu desexo de sorte e éxitos nas próximas aventuras que aborde, tanto desde o punto de vista persoal como desde o profesional.

Marc Campàs Rigat (Mataró, 2000) chegou o pasado mes de xaneiro ao Burela FS para reforzar unha rotación xa curta e mermada trala marcha de Malaguti. Despois de completar a primeira metade da tempada nas filas do ATP Iluminación Tudelano Ribeira Navarra, onde anotara un golazo de chilena e club ao que chegara logo dunha gran tempada no RSC Anderlecht belga, o á catalán non tivo excesivo protagonismo no conxunto burelista, aínda que si deixou escintileos da calidade que atesoura na súa perna dereita. Marc disputou 13 partidos de laranxa, nos que non puido estrear a súa conta goleadora en terras mariñás.