As persoas interesadas poden inscribirse e solicitar máis información no teléfono 638 71 72 72 ou no correo telmocao@yahoo.es
A actividade, que conta con prazas limitadas, está dirixida a todas aquelas persoas interesadas en achegarse a este oficio tradicional a través dunha formación teórico-práctica nun espazo único, como é o Conxunto Histórico Artístico de Sargadelos.
O obradoiro no que se desenvolverá o curso ocupa un edificio histórico do século XVII, restaurado no ano 2017, que foi cedido ao artesán polo Concello de Cervo no 2020 co obxectivo de apoiar e dar continuidade a proxectos vinculados á recuperación e dinamización do patrimonio cultural e artesanal.
O curso está parcialmente subvencionado polo Concello, “co fin de facilitar o acceso á formación e contribuír á posta en valor e transmisión dun saber tradicional que forma parte da identidade cultural do municipio”, apuntou a alcaldesa.
que puxo en valor esta iniciativa e destacou “a importancia de manter vivos os oficios tradicionais e de favorecer a súa transmisión a través de propostas formativas como esta, que permiten conectar á veciñanza co seu patrimonio material e inmaterial”.
Telmo Cao leva anos dedicado á forxa artística e á escultura en metal, traballando por encargo e elaborando pezas únicas no seu taller. Con este curso, abre de novo as portas para compartir os seus coñecementos e contribuír á continuidade dun oficio con profundas raíces, e que forma parte do noso patrimonio.