O dobre sentido de circulación da rúa Lavandeiras de Viveiro manterase ata o 7 de xullo

Por motivos de seguridade, durante a desmontaxe do Resurrection Fest, tamén se prohibirá estacionar entre a conserveira de Albo e o pósito

Viveiro, 30 de xuño de 2025. Por mor das tarefas de desmontaxe das infraestruturas do Resurrection Fest e por motivos de seguridade viaria, o dobre sentido de circulación na rúa Lavandeiras manterase ata o luns 7 de xullo. Ademais, quedará prohibido o estacionamento no tramo comprendido entre a conserveira de Albo e o pósito.

Habilítase como zona de estacionamento a área reservada próxima á Escola Oficial de Idiomas. En canto á circulación, permanecerá dispoñible o acceso desde a Escola Oficial de Idiomas en dirección á fonte e ao establecemento La Conservera.