Viveiro, presente un ano máis na Semana Verde

O sábado 7 de xuño organizarase unha degustación de pescada do pincho de Celeiro en empanada e de Pan dos Apóstolos de Semana Santa

Viveiro, 6 de xuño de 2025. O Concello de Viveiro estará presente, un ano máis, na Feira Internacional Abanca Semana Verde de Galicia, dentro da Feira de Festa de Interese Turístico (Festur), que se celebra entre os días 5 e 8 de xuño en Silleda (Pontevedra). O concello conta cun posto propio no que se porán en valor as festas e as actividades de ocio, así como o patrimonio monumental e natural, e a gastronomía da zona.

Unha das actividades que o Concello de Viveiro organizará na Semana Verde será a degustación de pescada do pincho de Celeiro en empanada e de Pan dos Apóstolos de Semana Santa. Levarase a cabo o sábado 7 de xuño.

A alcaldesa Mariña Gueimunde manifestou que «participar na Semana Verde é unha oportunidade para amosar con orgullo todo o que ofrece o noso concello. Levamos con nós o mellor do noso patrimonio, da nosa terra e da nosa xente».