Ata este domingo as mellores hamburguesas danse cita en Viveiro no ‘Burger Fest’

Lugo, 12 de xullo de 2025. A Burger Fest, o festival gastronómico itinerante de referencia para os amantes das burgers gourmet e o street food, chega a Viveiro do 10 ao 13 de xullo, na explanada do Pavillón Municipal. Tras máis de 20 eventos celebrados en distintas cidades de toda España, o festival aterra por primeira vez en Viveiro para encher de sabor e bo ambiente as súas rúas.

Durante catro días, veciños e visitantes poderán gozar dun ambiente único cos mellores foodtrucks de hamburguesas premium, chegados de distintos puntos de España, ofrecendo propostas con carnes de primeira calidade, opcións veggie e sabores sorprendentes.

Ademais, a Burger Fest Viveiro contará con:

Zonas de mesas e lecer familiar.

Música en directo e DJs.

Sorteos, actividades e o mellor ambiente.

O evento terá entrada libre e celebrarase durante catro días, cos seguintes horarios:

Xoves 10: de 19:00 a 00:00

Venres 11: de 13:00 a 00:00

Sábado 12: de 13:00 a 00:00

Domingo 13: de 13:00 a 00:00

Sorteo especial

Sortearanse 50 burgers para trocar durante o festival. Os gañadores anunciaranse o sábado pola mañá.

A Burger Fest aposta por dinamizar o comercio e o turismo local, ofrecendo un plan de lecer para todos os públicos que combina gastronomía, música e bo rolo.