Desde que o pasado 23 de marzo unha auténtica marea de persoas colapsara a principal arteria da cidade, cunha manifestación multitudinaria, as e os viveirenses continúan con concentracións cada quince días diante do seu centro de saúde para reclamar “máis sanidade”, “máis persoal” e “máis atención primaria”.
A coordinadora da plataforma sanitaria, Montse Porteiro anima a todos e todas as veciñas de Viveiro e de toda a comarca a que se acheguen e se mobilicen para esixir uns servizos sanitarios co persoal necesario para garantir unha sanidade pública de calidade, e anuncia que non será a única localidade na que haberá mobilizacións este verán pois ” alí onde a consellería e o Sergas neguen ás persoas un servizos sanitarios co persoal ao completo, estaremos reclamándoos” – conlúe.