Daniel Castro: “O PP sigue a xogar coa saúde dos veciños e veciñas da Mariña”

A Mariña, 3 de xullo, 2025. “A caótica situación da sanidade na Mariña en plena temporada estival, cando moitos concellos triplican a súa poboación, fai que veciños e veciñas de prácticamente todas as localidades saian á rúa día tras dia en demanda de solucións”, explican desde o BNG. “Hoxe é o caso de Viveiro, con concentración diante do Centro de Saúde e A Pontenova, con outra concentración tamén diante do seu centro sanitario. E no concello de Cervo a situación prevese tamén caótica nestes meses de verao según vén de anunciar o propio Sergas” .Vista esta situación, o deputado no Parlamento Daniel Castro manifestou que “Pasan as semanas e pasan os meses e situación da atención primaria e da sanidade pública na Mariña vai a peor sen que o Sergas actúe, incluso en casos nos que xa era previsible a ausencia de médic@s. O PP sigue a xogar coa nosa saúde”

Viveiro sigue sen solucións

No caso de Viveiro siguen as concentracións quincenais diante do centro de saúde desde a gran manifestación do pasado 23 de marzo, dado que desde o Sergas non se adoptou ningunha medida efectiva para ter umha atención completa na vila maís grande da Mariña, algo que desde o BNG consideran inaudito e unha auténtica burla a todos os veciños de Viveiro, O Vicedo e Ourol, os dous últimos tamen con moitos problemas nos seus centros de saúde e que dependen do PAC de Viveiro.

Situación grave na Pontenova

É moi grave a situación da Pontenova, tal como apuntou Xorxe Gómez Rico, portavoz municipal do BNG na localidade: “imos estar polo menos quince días sen médico e remítennos a Riotorto polas mañás, donde hai un só médico, que é co que nos pretenden dar atención polas tardes. Esto non tén pés nin cabeza” En términos semellantes pronunciouse a portavoz municipal en Riortorto, Vanesa Gómez Lourido, que recordou que “en Riotorto levamos varios cun só médico, que está xa en prórroga de xubilación, e esta nova situación que se dá na Pontenova tampouco nos axuda nada”