O BNG de Ribadeo advirte que “a actuación do alcalde na esquina da Rúa Deputación non conta con permiso de Patrimonio”

Ribadeo, 3 de xullo, 2025. O BNG de Ribadeo denuncia que Daniel Vega levou a cabo a actuación na Rúa Deputación sen contar co preceptivo permiso de Patrimonio. “Despois de case un mes retrasando a resposta á nosa solicitude de información, este grupo municipal puido comprobar que, unha vez máis, o alcalde volve a actuar de costas á lei como xa fixo coa colocación do “mamotreto” ou outras actuacións”.

O voceiro do BNG de Ribadeo, Pablo Vizoso explica: “Seguimos vendo como o alcalde de Ribadeo incumpre sistematicamente a normativa sen importarlle as consecuencias. Puidemos comprobar como a Dirección Xeral do Patrimonio requeriu o Concello a dar explicacións sobre esta actuación que até pode acabar nun novo expediente sancionador e, aínda por riba, en vez de asumir o seu erro, dedícase a facer declaracións fantasiosas sobre un terreo que está destinado a uso residencial para vivendas e que tanto necesita Ribadeo”.