O alcalde, Dani Vega, contou que “hoxe visítannos o director xeral de Familia e o xerente da Rede de Escolas Infantís da Xunta de Galicia para comprobar en situ a mellora da escola infantil. Actuamos mellorando a fachada, reforzando a fachada e tamén todo o muro exterior, o muro principal, e novo equipamento concretamente armarios. Foron 20.000 euros de inversión desta volta”.
O rexedor subliñou que “nos últimos anos investimos 120.000 euros, dende a cuberta, a toda a mellora que se fixo no exterior, e en espazos como as aulas, a cociña, sala de espera, en definitiva toda unha mellora que tivo esta escola infantil, que é moi importante, investir no sistema educativo dos máis pequeniños e tamén nos centros educativos como pode ser o Gregorio Sanz ou nos institutos, tanto o Porta da Auga como o Gamallo Fierros”.
Vega dixo: “e importante ter un concepto claro de investir no sistema educativo, no sistema educativo público, sen descartar outro tipo de colaboracións con outros centros, eu creo que marca unha liña correcta dun goberno local que o que fai é xestionar o orzamento e a Xunta de Galicia o que fai é priorizar obras importantes e concretalas con orzamentos aquí en Ribadeo”.
O alcalde agradeceu a visita nesta xornada: “o noso agradecemento ao director xeral e ao xerente por todo este traballo que fixeron e vamos a seguir colaborando e seguir investindo en Ribadeo para que así avance”.