A iniciativa desenvolveuse durante xullo e agosto con 17 menores e a colaboración de voluntariado e persoal técnico
O acto de peche tivo lugar na Sala Multiúsos do Concello, onde se compartiu un pequeno petisco cos participantes, voluntariado e persoal técnico.
Un proxecto social e educativo
O programa desenvolveuse nas instalacións do Centro de Servizos Sociais, ofrecendo un apoio integral a un total de 17 menores, de idades comprendidas entre os 6 e os 12 anos.
A actividade contou coa colaboración de 7 voluntarios/as e 2 técnicos, que traballaron conxuntamente para ofrecer non só reforzo escolar, senón tamén actividades de lecer e convivencia, favorecendo así o desenvolvemento persoal e social dos participantes.
Actividades e colaboracións
Durante o verán, os nenos e nenas participantes realizaron actividades moi diversas:
Sesións de apoio educativo e reforzo escolar.
Propostas lúdicas e de tempo libre.
Colaboración en distintos servizos municipais, como a Biblioteca Municipal, a Policía Nacional ou o Campamento Municipal de Verán.
Participación en accións organizadas por entidades e organismos como o CEIDA (Centro de Extensión Universitaria e Divulgación Ambiental de Galicia) ou Solidariedade Internacional de Galicia, entre outros.
Desde o Concello de Viveiro sublíñase o compromiso de seguir impulsando proxectos deste tipo, que combinan educación, integración e voluntariado, ofrecendo oportunidades de aprendizaxe e socialización a menores que máis o precisan.