O Concello de Ribadeo, a través da Área de Igualdade, iniciou a execución do mural gañador do Concurso de Arte Mural pola Diversidade, situado na parede do ascensor panorámico do paseo marítimo.
A concelleira de Igualdade, Begoña Sanjurjo, explicou que “a persoa gañadora, Andrea Lombardia, durante os próximos días dará vida á súa proposta artística, que representa os valores da diversidade, igualdade e visibilidade do colectivo LGTBIQ+ en Ribadeo”.
E engadiu: “o mural mide aproximadamente 2,20 metros de alto por 3 metros de ancho, e será un punto visible e emblemático de expresión cultural e artística na nosa vila”.