Deu comezo en Foz unha nova edición do Comercio na Rúa Fóra Stocks

Foz, 21 de agosto de 2025. Ata o sábado, 23 de agosto, en Foz preto de corenta establecementos comerciais sacan os seus produtos á rúa. Trátase dunha nova edición do Comercio na Rúa Fóra Stocks, de Acia Foz-CCA, que pode aproveitar toda a clientela que o desexe para facerse con produtos de tempada e para a volta ao cole a prezos moi interesantes.

Moda, calzado, complementos, deporte, libros, xoguetes, decoración, fogar ou perruquería son algunhas das propostas que poden atopar os que estes días paseen polas rúas de Foz.

O Comercio na Rúa Fóra Sotcks deu comezo hoxe e prolongarase ata o sábado, día 23.

Acia Foz-CCA conta para esta campaña coa colaboración da Xunta de Galicia e do Concello de Foz.