Nesta segunda edición, a SD Burela e a UD Somozas serán os equipos protagonistas dun partido amigable que se presenta como un auténtico espectáculo para os afeccionados ao fútbol da comarca e como unha merecida homenaxe a José Antonio Río.
Desde a Directiva do CD Alfoz, sinala que “este memorial é unha forma de manter vivo o recordo dunha persoa que tanto fixo polo deporte e pola mocidade de Alfoz. Agradecemos aos clubs participantes o seu compromiso con esta iniciativa”.
O evento está aberto ao público, coincidindo coas festas patronais dos Chóferes, e contará cun ambiente familiar e deportivo no que se agarda unha gran participación da veciñanza e dos amantes do fútbol. Dende a organización convidan a todas e todos a achegarse para compartir esta xornada de memoria, fútbol e unión.