No marco do programa de Apertura do CEIP, ofértanse dúas modalidades:
Madrugadores, para facilitar a entrada temperá ao colexio.
Ocio e Estudo pola tarde, para que o alumnado poida participar en actividades lúdicas e de reforzo escolar fóra do horario lectivo.
En canto ás Escolas Deportivas, poderase participar en fútbol, patinaxe e atletismo, que nesta edición estas dúas amplían o seu horario desde mediados de setembro ata o remate do curso escolar.
Como novidade, incorpórase a modalidade de pádel tanto para nenos e nenas como para a rapazada, co obxectivo de diversificar a oferta deportiva municipal e fomentar a práctica de novas disciplinas en idades temperás.
O Concello de Alfoz reforza así o seu compromiso coa conciliación familiar e laboral, ao tempo que promove a práctica deportiva e os hábitos saudables dende idades temperás, ofrecendo actividades variadas e adaptadas ás necesidades das familias.
Para formalizar as inscricións, as persoas interesadas poderán facelo a través da Sede Electrónica municipal ou de forma presencial nas oficinas de Rexistro do Concello de Alfoz dentro do prazo establecido, quedando aberto ao longo do curso.