No último Pleno Ordinario, celebrado na Casa Consistorial, presentouse unha moción para que fose nomeado Fillo Predilecto de Mondoñedo, D. Francisco Piñeiro González, que tivo o voto favorable de toda a corporación. Esta aprobación por unanimidade de todos os grupos que conforman o Concello de Mondoñedo, supón a posta en marcha do expediente que, en breve tempo, derivará no nomeamento deste mindoniense de pro, como Fillo Predilecto.
