No encontro, a directora xeral aproveitou para trasladarlle que a Xunta continúa avanzando na súa estratexia de facilitar o asentamento de novas empresas en Galicia e ampliar as que xa están instaladas. Nesta liña explicoulle que o Executivo autonómico puxo en marcha figuras de creación de solo como é o caso da Zona de Aceleración de Proxectos Empresariais e Solo (Zapes), co obxecto de dar axilidade e facilidade a aqueles proxectos que precisan solo de maneira urxente; e as Zonas industriais rurais (ZIR) pensadas para actividades industriais de menor envergadura localizadas en áreas rurais con necesidades de solo.