A Pomba do Arco organiza o xoves 2 de outubro ás 20:30 hora no salón de actos da Casa da Cultura de Foz a proxección do filme documental ‘O vello Pancho. De Ribadeo ao Plata’, onde se recolle a vida do escritor ribadense con familia en Foz, José María Alonso y Trelles Jarén

O filme está dirixido por Xan Leira cuxa actividade está centrada na produción editorial e de documentais relacionados coa recuperación da memoria social e política da Galiza e da diáspora galega. O documental recolle testemuñas sobre especialistas no autor como o dos mariñaos Martín Fernández Vizoso e Pablo Rodríguez “Vivín”.