Visto o uso que en ocasións pode facerse do deporte e da cultura para branquear o masacre que está a perpetrar o exército de Israel, reforzaremos o control sobre os eventos que se patrocinan desde as áreas da nosa responsabilidade.
Ao tempo que adoptamos esta medida, insistimos en reclamar á comunidade internacional medidas eficaces para deter o exterminio e a expulsión da poboación palestina de Gaza e Cisxordania.
Así mesmo, manifestamos o noso apoio ás persoas que, no uso do dereito de manifestación e expresión, protestan pacificamente contra o xenocidio do pobo palestino.