Aparece con vida un home de avanzada idade que faltaba desde a tarde do sábado en Xove

Xove, 14 Setembro, 2025. Pasadas as 2 horas desta madrugada, a Garda Civil confirmou que o implicado aparecera na zona da súa vivenda, en Xove, e que precisaba asistencia sanitaria.

O 112 Galicia tivo constancia deste suceso pasada a medianoite, a través dos propios axentes da Garda Civil. Á súa vez, eles foran informados por un particular que lles explicou que o seu familiar, de avanzada idade, non volvera a casa e que o viran por última vez durante a tarde.

Desde o 112 Galicia informouse á Agrupación de Voluntarios de Protección Civil de Xove, Cervo e Burela.