O taller ofreceu a vinte persoas desempregadas a oportunidade de adquirir formación teórica e práctica nas especialidades de xardinería, acabados ríxidos e urbanización, e control de pragas
A directora territorial da Consellería de Emprego, Comercio e Emigración, Carmen José López, participou na entrega de diplomas.
Durante os últimos nove meses, vinte persoas desempregadas dos cinco municipios tiveron a oportunidade de adquirir formación teórica e práctica nas especialidades de viveiros xardíns e centros de xardinería; operacións de acabados ríxidos e urbanización; e control de pragas.
En canto ás actuacións realizadas, rehabilitouse o local social de Santa Marta de Meilán (en Riotorto), acondicionouse a contorna do centro cívico de Vián (na Pastoriza), leváronse a cabo tarefas de mantemento nas rutas de sendeirismo Eo-Pena de Millares e Chao de Pousadoiro-Muíño de García (na Ribeira de Piquín) e melloráronse numerosas zonas verdes, como na carballeira da Praza Galicia ou no merendeiro de Rioxán (en Pol) e no miradoiro da Lombra e no recinto ferial de Castroverde, entre outras actuacións.