Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto, cos presidentes do CB Celtas de Foz e do CD Foz, Carmen Alonso e Asier Burundarena, co hostaleiro Pepe Rivera e coa dona da cafetería Marexada, Palmira Andrade. Con eles fará un balance do verán, que está a piques de rematar, analizará os proxectos para os vindeiros meses e tamén o deporte local.
