O accidente produciuse arredor das 13:50 horas, momento no que un particular alertou ao 112 Galicia de que o vehículo se atopaba envorcado e que podería haber unha persoa atrapada no interior.
De inmediato, desde o Centro Integrado de Atención ás Emerxencias informouse aos Bombeiros de Vilalba, ao GES da Pontenova, á Garda Civil e a Protección Civil.
Unha vez no punto, confirmaron que o condutor permanecía atrapado, polo que foi necesario empregar o material de excarceración para liberalo.
Finalmente, o Servizo de Urxencias Sanitarias de Galicia-061 evacuouno a bordo do helicóptero medicalizado con base en Ourense ata o hospital de referencia.