Dende hai oito anos ADEGA entrega os premios Osíxeno e Dioxina para subliñar á mellor e pior actuación ambiental do ano. O premio Osíxeno á mellor actuación/actitude ambiental do 2008 na categoría colectivo recaeu na Cooperativa de cultivo ecolóxico Raíña Lupa (Quilmas, Carnota) e en categoría individual foi para o veciño do Courel Xan de Vilar. O Premio DIOXINA á actitude ou actuación máis agresiva e incontentábel correspondeulle, na categoría colectivo ao trío ENDESA-FENOSA-IBERDROLA e en individual a Jorge Santiso, secretario xeral da consellaría de Medio Ambiente e presidente de Augas de Galiza.