O Bloque Nacionalista Galego de A Mariña renovará a súa executiva comarcal nunha asemblea de afiliados que se celebrará sábado ás cinco e media da tarde. O actual responsable comarcal do BNG, Xosé Ramón Ermida, non se presenta á reelección. Segundo informou a emisora de radio Onda Cero A Mariña, está previsto que haxa tres candidaturas, que encabezarán o barreirense Antonio Veiga, o ribadense Farruco Graña e o mindoniense Xusto Fernández Haro. Un deles será o novo responsable comarcal do Bloque a partir do sábado.