RIBADEO (FNC) .- O Centro de Información á Muller de Ribadeo atendeu durante o ano pasado 327 consultas plantexadas por 285 persoas que demandaron información e asesoramento.
Segundo a responsable do CIM, Luisa González, suliñou que “área de asesoramento xurídico foi a máis demanda con 178 consultas, seguida da área psicolóxica con 69 e da área de recursos con 51. No que atinxe á vía xurídica o máis demandado foi o dereito de familia, como noutras ocasións, as consultas foron referidas aos procesos de separación e divorcio, é dicir a forma de realizarse, o procedemento e a información solicitada tivo que ver coa custodia dos fillos e réxime de visitas, pensión de alimentos, réxime de tenencia da vivenda…Houbo tamén moitas consultas de asistencia xurídica gratuita, houbo un ascenso con respecto a 2009. As causas poden ser que a crise económica afectou ás clases populares do Concello e polo tanto fixo que tivesen que recurrir a esta asistencia para dirimir aqueles conflictos que teñen”.
Das 285 persoas que acudiron ao CIM no 2009, 257 eran mulleres e 28 homes. Do total de persoas que se achegaron en busca de asesoramente e información o 22’4% eran mulleres inmigrantes, “nós entendemos que están situadas nunha doble vulnerabilidade por seren mulleres, inmigrantes e moitas veces sen papeis, non teñen permiso de residencia e eso impídelles traballar dunha forma reglada e disfrutar de determinados beneficios”.
As mulleres que demandaron máis información son as comprendidas entre os 26 e os 35 anos, seguidas das de 46 a 55. Trátase de mulleres con fillos, con estudios primarios e medios que traballan e que teñen uns ingresos familiares que oscilan entre os 600 e os 900 euros.
A media de consultas por mes no CIM de Ribadeo oscila arredor das 25, ainda que houbo meses como o de abril no que se chegou ás 37 ou decembro que se quedou em 11.
Ámbito de acción
A concelleira de Muller, Mariluz Álvarez Lastra, fixo unha valoración moi positiva do traballo desenvolvido polo CIM, que foi creado no ano 2004. A edil nacionalista sinalou que “cada vez son máis as persoas que se achegan ao Centro de Información á Muller, tanto á avogada como á psicóloga, en demanda de asesoramento xurídico ou datos sobre as actividades que se organizan. Imos a máis dentro do noso ámbito de acción, xa que tamén atendíamos a outros Concellos como Barreiros, Trabada e A Pontenova, e destacar que no 2009 tamén prestamos atención a Riotorto, houbo varias consultas de persoas que viven alí e lles axudamos no que podemos”.
Álvarez Lastra manifestou que “o conglomerado de actividades do CIM vénse mantendo igual que o que se fixo ao longo dos últimos. Mantemos o traballo cos centros educativos, a mesa de traballo sobre violencia de xénero co protocolo que temos establecido e con xuntanzas periódicas para coordinar a todos os sectores implicados e tamén facemos moitas actividades de lecer, tempo libre, cursos e charlas relacionadas coa muller e coa igualdade. Entre o máis destacado que fixemos no 2009 figura a publicación dunha guía dirixida a mulleres inmigrantes donde elas participaron activamente e na que dan pinceladas importantes sobre dereitos laborais e dereitos documentais e outros aspectos que nos afectan ás mulleres”.
As novas actividades de información e asesoramento para este 2010 serán presentadas nos vindeiros días no Consello Municipal da Muller.
Concello familiarmente responsable
A concelleira da Muller dixo que “é o primeiro ano no que estivemos inmersas nun proxecto no que xa participamos da Fundación Máis Familia, que pretende facer un certificado de calidade para aqueles Concellos que estean traballando en materia de igualdade. Fíxose un certificado de empresas familiarmente responsables e agora o proxecto que se está a levar adiante é o de municipios familiarmente responsables. Nós iniciámonos deste proxecto, fomos ás reunións no último trimestre do 2009 e agardamos seguir participando na actualidade e que o Concello de Ribadeo sexa en abril un deses Concellos pioneiros, en principio en Galicia porque é o único representado alí, xunto a outros de moita maior poboación da zona centro.