O vindeiro xoves, día 5 de xaneiro, non haberá recollida de cartón en Ribadeo, segundo ven de informar a Concellaría de Medio Ambiente. Horacio Cupeiro explica que “esta decisión adoptóuse ao coincidir a recollida coa celebración da cabalgata de Reis”. O edil nacionalista pide colaboración aos comerciantes ribadenses “para que depositen o cartón mañá martes, 3 de xaneiro, ou o vindeiro 10 de xaneiro, pero non este xoves, porque insistimos non haberá recollida e non sería bó que o cartón quedase ao pé das establecementos e das tendas durante tantos días”.