O sábado día 23 de febreiro, ás 20 horas, no Salón de Actos da Casa da Cultura de Alfoz terá lugar unha mesa redonda sobre os rapaces emprendedores. Unha xornada organizada polo Seminario de Estudos do Valadouro (Alfoz e O Valadouro), en colaboración co Concello de Alfoz. A mesa redonda estará moderada por Xabier Pardiñas, presidente do SEVA, e nela participarán rapaces da zona que abriron negocios recentemente, como Amparo Vizoso (psicóloga, que abriu recentemente un gabinete psicolóxico en Alfoz), Rubén García (que vén de comezar cunha produtora de cine), entre outros. Trátase de reflexionar sobre a importancia de atreverse a abrir negocio propio nunha época caracterizada pola crise económica.